ഇസ്‌ലാം ഒരു തുറന്ന വായന

 മുസ്ലിം എന്ത് കൊണ്ട് ടാർഗറ്റ് ചെയ്യപ്പെടുന്നു? 

ഇസ്ലാമിക്‌ ഐഡിയോളജി 

AD 571 ൽ മക്കയിൽ ആമിന - അബ്ദുല്ലാഹ് ദമ്പതികൾക്ക് ജനിച്ച മുഹമ്മദ്‌ മുസ്തഫ സ യിലൂടെ പടർന്നു പന്തലിച്ച വിശ്വാസ ധാരയാണ് ഇസ്‌ലാം. ഏകനായ ദൈവത്തെ മാത്രം വിശ്വസിക്കണമെന്നും അവനെ മാത്രം ആരാധികണമെന്നും പഠിപ്പിക്കുകയായിരുന്നു മതത്തിന്റെ ലക്ഷ്യം.  അന്ന് ലോകത്തുണ്ടായിരുന്ന മതങ്ങളോട് പരോക്ഷമായി സാമ്യവും അവയുടെ തത്വങ്ങളോട് യോജിപ്പും വിശ്വാസ ധാരയിൽ പ്രകടമായിരുന്നു. സെമിറ്റിക് മതങ്ങളായിരുന്ന ക്രിസ്ത്യൻ, ജൂത വിശ്വാസങ്ങളെയും അവരുടെ പ്രവാചകരെയും അംഗീകരിക്കുകയും ചെയ്തതോടൊപ്പം അവയുടെ ഗ്രന്ഥങ്ങളിൽ മാറ്റത്തിരുതലുകൾ കൊണ്ട് വന്നത് പിൻഗാമികൾ ആണെന്നും ഇസ്‌ലാം വിശദീകരിച്ചു. 
നിരക്ഷരനും  അനാഥനുമായിരുന്ന മുഹമ്മദ്‌ നബിയുടെ ജീവിതവും വചനങ്ങളും പിൽകാലത് രേഖപ്പെടുത്തിയവയിൽ ഏറ്റവും മനോഹരമായിരുന്നു. പ്രവാചകത്വ ലബ്ധിക്ക് മുൻപ് ഒരാൾക്ക് പോലും വിമർശിക്കാൻ കഴിയാത്ത വ്യക്തിത്വം ആയിരുന്നു മുഹമ്മദ്‌ നബി സ. 

ഇസ്‌ലാം എന്ത്?  
കേവലം ഒരു മതചിന്ത എന്നതിലപ്പുറം പൂർണമായ ഒരു ജീവിത രീതി ആണ് ഇസ്‌ലാം. ഒരു മനുഷ്യന്റെ ജനനം മുതൽ മരണം വരെയും അവൻ പാലിക്കേണ്ട തത്വങ്ങളെ പൂർണമായും ഉൾക്കൊള്ളാൻ ഇസ്ലാമിന് സാധിച്ചു. സാമൂഹിക സാമ്പത്തിക വൈജ്ഞാനിക രാഷ്ട്രീയ മേഖലകളിൽ ഒരു വ്യക്തിയുടെ ശരി തെറ്റുകളെ കൃത്യമായി നിർണ്ണയിക്കുന്നതിനും അവയെ യുക്തി പൂർവ്വം വിശദീകരിക്കുന്നതിനും ഇസ്‌ലാം മതത്തിനു സാധിച്ചിട്ടുണ്ട്. വർണ വർഗ ഗോത്ര ഭേദമില്ലാതെ മനുഷ്യരെല്ലാം തുല്യരാണെന്ന് ലോകത്ത് ആദ്യമായി വിളിച്ചു പറഞ്ഞത് ഇസ്‌ലാം ആയിരുന്നു. ചൂഷണങ്ങളും ചൂതാട്ടങ്ങളും മദ്യവും മദിരാശിയും തടഞ്ഞു കൊണ്ടുള്ള പ്രഖ്യാപനങ്ങളും ലോകത്ത് ആദ്യമായി നടപ്പിൽ വരുത്തിയതും ഇസ്‌ലാം ആണ്. കൃത്യവും വ്യക്തവുമായ ആരാധന കർമങ്ങളും ലോകത്ത് എല്ലായിടത്തും ഒരു പോലെ ലഭ്യമായ പരിശുദ്ധ ഖുർആനും ഇസ്‌ലാമിന്റെ കെട്ടുറപ്പിനെ സൂചിപ്പിക്കുന്നു. ദിനമഞ്ചു നേരത്തെ നിസ്കാരവും ആഴ്ചയിലെ ജുമുഅയും വർഷങ്ങളിൽ ഹജ്ജും തുടങ്ങി വ്യവസ്ഥാപിതവും ചിട്ടയർന്നതുമായ ഈ ജീവിത ശൈലി മറ്റൊരു ഇസത്തിലോ മതത്തിലോ ദർശികനാവിലെന്നത് തന്നെയാണ് ഇസ്‌ലാമിനെ ഇതര മതങ്ങളിൽ നിന്നും വ്യതിരിക്തമാക്കുന്നത്.
തുടരും.