പഠന വൈകല്യം

കുട്ടിയുടെ അസുഖത്തെ കുറിച്ച് പറയാൻ വേണ്ടിയാണ് ആ രക്ഷിതാവ് ക്ലാസിൽ എത്തിയത്... നോൺ അക്കാദമിക് കാര്യങ്ങളിൽ മിടുക്കനായ വിദ്യാർത്ഥി അക്കാദമിക് വിഷയങ്ങളിൽ പരാജയപ്പെടുന്നതിന്റെ കാരണം അന്വേഷിക്കൽ മാത്രമായിരുന്നില്ല ലക്ഷ്യം... തുടർച്ചയായ തലവേദനകളും വയറുവേദനകളും കുട്ടിയെ അലോസരപ്പെടുത്തുന്നുണ്ട്. പ്രാർത്ഥന മാത്രമാണ് പരിഹാരം എന്ന് ആരോ പറഞ്ഞുവത്രേ.. കുട്ടിയെ അടുത്തേക്ക് വിളിച്ചിരുത്തി ചെവിയിൽ ഒരു സ്വകാര്യം ചോദിച്ചു... രക്ഷിതാവിനോട് പുറത്തിരിക്കാൻ പറഞ്ഞു... തലവേദനയും വയറു വേദനയും സ്കൂളിലേക്ക് പോവാനുള്ള പ്രയാസം കൊണ്ടാണെന്ന് തിരിച്ചറിയാൻ അധികം സമയമെടുത്തില്ല.. കുട്ടികളുടെ ബോഡി ഷെമിംഗ് ഒരു വിദ്യാർത്ഥിയുടെ മാനസിക നിലയിൽ വരുത്തിയ മാറ്റം ഇത്രയും ഭീകരമായിരുന്നു...താത്കാലികമായി ആ സ്കൂളിൽ നിന്നും മറ്റൊരു വിദ്യാലയത്തിലേക്ക് കുട്ടിയെ മാറ്റി പഠിപ്പിക്കാനും അതവന്റെ പ്രിയപ്പെട്ട കൂട്ടുകാരന്റെ കൂടെ ആവാനും നിർദ്ദേശിച്ചു... പഠനത്തിൽ പുരോഗതി ഉണ്ടെന്ന് മാത്രമല്ല പിന്നീട് ആ വയറുവേദനയും തലവേദനയും ഉണ്ടായിട്ടില്ലെന്നതും ശ്രദ്ധയാണ്. മുഴുവനും അഭിനയം ആണെന്നല്ല... ഇങ്ങനെയും കാരണങ്ങൾ ഉണ്ട് എന്ന് മാത്രം..